Fjölskylduskipti

Það er alveg hellingur búin að gerast síðan ég bloggaði seinasta!

Núna eru skiptinemarnir sem ég var að tala um í seinasta bloggi farnir heim. Ein fjölskyldan hélt óvænt kveðjupartý fyrir stelpuna frá Þýskalandi. Það heppnaðist reyndar ekki að hafa það óvænt vegna þess að þau gelymdu að segja einni vinkonunni að það væri óvænt þannig að hún kjaftaði frá. Þetta var samt sem 
áður mjög skemmtilegt boð, fyrir utan það að þurfa að kveðja.

Friedrike frá Þýskalandi og litli bróðirnn Lea 

Juan og Hannah frá Ástralíu

Fah frá Taílandi

Sunnudaginn 15. janúar tók ég þátt í þríleikum hérna í Cervantes. Þríleikar þýðir að það er keppt í þremur greinum, það er hægt að gera þær allar sjálfur eða þú getur skipt þeim á milli þriggja manneskja. Ég tók þátt með Nataliu og vinkonu hennar. Ég synti 1 km, vinkona Naty hjólaði næstum því 30 km og Natalia hljóm 7 km. Við lentum í öðru sæti og fengum 300 pesóa í verðlaun, en við höfðum borgað þetta til þess að fá að keppa þannig að við komum út á sléttu! Þetta var svolítið erfitt vegna þess að ég þurfti að synda í ánni "Río Negro" og ég er alltaf frekar hrædd vegna þess að maður veit ekkert hvað er fyrir neðan. 

Liðið!

ég að synda

Eini erledni þátttakandinn!

Við sem lentum í öðru sæti og þær sem lentu í fyrsta sæti

Þennan sama sunnudag fórum við á rútustöðina að kveðja siptinemana og ég fékk alveg hnút í magan vegna þess að svona verður þetta hjá mér eftir sex mánuði og ég held að ég eigi ekki eftir að vilja fara! Grétum svolítið með fólkinu þarna og snerum svo heim. 

;(

Ferskar

Á mánudeginum kláraði ég að borga fyrir ferð sem ég er að fara í 8. febrúar. Þessi ferð er um suður-Argentínu, Puerto Madryn (sögð vera fallegasta strönd hérna í Argentínu), Tierra del Fuego (endi heimsins), Calafate (sem er rosalega falleg borg víst) ásamt því að fara að skoða jöklana. Mig hlakkar alveg svolítið til og það verður gaman að fá að breyta aðeins um umhverfi. 



Þriðjudaginn 17. janúar fórum við Kris til Neuquén vegna þess að það komu þrír skiptinemar frá Rosario til þess að fara í sömu ferð og ég er að fara í í febrúar. Þar á meðal var ein stelpa frá Íslandi sem heitir Bryndís. Það var rosalega gaman að hitta þær og tala smá íslensku.

Elínborg bjóst við aðeins stærra kaffi!

Neuquén




Miðvikudaginn 18. janúar lögðum við og Marcelo að stað í rútu til Las Grutas. Það er strönd í u.þ.b. 6 klst fjarlægð í rútu. Við lentum svo morguninn eftir og fórum í íbúðina sem þau voru búin að legja. Ég hef aldrei séð neitt jafn fátæklingslegt með eigin augum. Við komust seinna í raun um það að þetta var algjört helvíti vegna þess að á laugardaginn byrjaði að rigna, ekki bara úti heldur líka inn í íbúðunum. Við þurftu þess vegna að fara og skipta um hús. Við vorum með fjölskyldunni hennar Kristine og við leigðum saman hús öll saman. Við komust ekki mikið á ströndina vegna veðurs. Við fórum einu sinni út að dansa og það var frekar skemmtilegt. Svo var bara skoðað í búðir og notið þess að gera ekki neitt.Komum svo heim á þriðjudagsmorguninn.

Við á ströndinni fyrsta kvöldið

Það var spilað mikið af UNO!

Við fórum út að dansa og þegar við komum út af skemmtistaðnum kl. 8 um morguninn skelltum við okkur á ströndina

Kolkrabbi...ullabjakk

Við fórum út í sjó á banana

Seinasti dagurinn

Við fjórir skiptinemarnir: Kris, ég, Lilja (líka frá Noregi) og önnur stelpa frá Tyrklandi

Þriðjudaginn 24. janúar skipti ég um fjölskyldu. 


Núna er ég hjá yndislegri bráðabyrgðafjölskyldu og er búin að flytja í bæ sem heitir General Roca og er 100.000 manna bær í 17 km fjarlægð frá hinum bænum. Ég er alveg rosalega hamingjusöm og ánægð! :)


Bráðabirgðafjölskyldan samanstendur af:
Þremur bræðrum, Lucas (16), Lautaro (14) og Leandro (3) og svo yndislegum foreldrum. Öll fjölskyldan er í blómabransanum og það er alltaf allt fullt af blómum. 


Vissir þú....
...að í Argentínu á hann réttinn sem er að koma inn í hrngtorgið en ekki sá sem var inn í því fyrir
...að krakkar í Argentínu eru mjög háðir foreldrum sínum vegna þess að þau byrja ekki að vinna fyrr en þau eru búin með skólan
...það er oftast ekki hægt að læsa baðherbergjum hérna, sama hvort það er í heimahúsi eða á almenningsklósettum
...að það er borðað brauð með öllum máltíðum hérna
...að þegar það týnist einhver á ströndinni þá byrja allir að klappa


Lag vikunnar er mikið spilað hérna:
Lovumba (solo somos tu y yo bailando) eða á íslensku aðeins þú og ég dansandi

Biðst afsökunnar á bloggleysi...bæt það upp seinna!


Peace and love


-Hrefna Björk 


Ps. ég set svo alltaf næstun allar myndirnar sem ég tek inn á facebook. Minni á að það er hægt að smella á myndirnar til þess að sjá þær stærri. Komment eru velkomin!

Annað blogg ársins

Jæja núna kemur annað blogg :)


Það er eitthvað búið að gerast síðan síðast...


Útilega
Á fimmtudaginn fór ég í útilegu með fimm vinkonum mínum. Við tjölduðum í garðinum hjá ömmu einnar og amman er algjör dúlla. Við komum okkur fyrir í tjaldinu, borðuðum og spiluðum "Uno". Svo ákváðum við að horfa á mynd, hryllingsmynd, inn í tjaldinu. Myndin var vel byrjuð og í miðju bregðuatriði slökknuðu öll ljós, þá er ég að meina að allur bærinn varð svartur. Og það sem verra var að það datt líka út allt símasambandi. Ég hef aldrei verið svona hrædd. Biðum í örvæntingu okkar í svona tíu mínútur eftir að ljósin komu á aftur. En þegar á heildina var litið var þetta bara mjög skemmtilegt. 

Borðuðum pizzu og samlokur

Eftir að það slökknuðu öll ljós haha

Uno!

Las Grutas
Já mikið rétt, ég fór aftur á ströndina. Á föstudagskvöldið fórum við að heimsækja frænku okkar og okkur var óvænt boðið á ströndina. Við lögðum að stað klukkan fimm á laugardagsmorguninn, sjö í fimm manna bíl, og vorum mætt á ströndina um klukkna níu. Það leit allt út fyrir að veðrið yrði ekki sem best en það rættist svo úr því, ég er allavegana eins og tíomatur í framan. Við dingluðum okkur þarna þangað til að klukkan varð sex og þá snerum við aftur til Cervatnes. Svo er ég að fara aftur á ströndina 18.-22. janúar.

Sváfum ekki neitt þannig að við vorum með smá svefngals!

Marcelo er algjörlega með 'etta. Bleikt!

Hann elskar þennan bol

Frekar leiðinlegt veður

Amma mín sem er alveg ótrúlega lík ömmu Ellu!

Indíánar að spila ótrúlega fallega tónlist

Við fjölskyldna :)

Það var alveg nóg af fólki

Skiptinemahittingur
Núna er komið að því að fjórir skiptinemar eru að fara að snúa heim til sín. Tvær stelpur frá Þýskalandi og Austurríki/Ítalíu sem eru búnar að vera hérna í fimm mánuði og tvær stelpur frá Taílandi og Ástralíu sem eru búnar að vera hérna í heilt ár. Svo koma held ég þrír nýjir skiptinemar í febrúar. Það var alveg rosalega skrýtið að heyra þau tala um að það að þau væru að fara heim að hitta fjölskylduna sína. Smá öfund, en ég væri samt ekki til í að vera í þeirra sporum, er alls ekki tilbúin að fara heim. 

Já ég er brunnin í framan

Kris, ég og Lilja hjá eplinu fræga

Lilja (frá Noregi en býr í öðru fylki, var að heimsækja Kris), Friederike (þýskaland), Ég, Far (Taílandi), Hannah (Ástralíu) og Kristine (Noregur)

Í Argentínu...

...eða öllu frekar í litla bænum mínum segja allir "hola" sama hvort þú þekkir manneskjuna eða ekki

...hefur kötturin sjö líf en ekki níu

...eru moskítóflugurnar að éta mig

...eru mjólkurvörur vondar

...er borðaður kvöldmatur klukkan 21-23

Lag vikunnar: Lo mejor de mi vida eres tu (það besta við líf mitt ert þú). Þetta lag er sungið af Ricky Martin sem er frá Spáni. 

Þangað til næst

-Hrefna Björk

2012!!

Núna er komið árið 2012!! Að hugsa sér hvað tíminn líður hratt!! Núna er ég búin að búa í Argentínu í 135 daga...einungis 199 dagar eftir. Þannig að 2. febrúar er skiptinemaárið mitt hálfnað. 

Á gamlársdag vaknaði ég alveg rosalega jákvæð fyrir nýja árinu. Eftir hádegi fórum við að ánni...frekar mikið öðruvísi en það sem maður myndi gera á Íslandi. Þegar við komum heim ætlaði ég að fara í sturtu en þá var ekkert vatn. Þannig að ég fór að tala við fjölskylduna á skype og var með þeim klukkan 12 á Íslandi. Fékk að sjá flugeldana og það var alveg frábært. Loksins var vatnið komið á, en við mættum of seint í matarboðið sem okkur var boðið í. Við fórum að borða og það var boðið upp á allar gerðir af kjöti og loksins gat ég borðað haha. Svo klukkan tólf var skálað og farið út að sprengja. Það var langt frá því að vera jafn miklir flugeldar og á Íslandi. Svo var okkur vinunum boðið í áramótapartý sem var alveg ágætt og svo klukkan fjögur fórum við á skemmtistað og dönsuðum til hálf sjö. Komum svo heim um klukkan átta. 

´

Hjá ánni á gamlársdag

Juliana, litla frænka mín

Það var boðið upp á nammi ala Argentina

:)

Skál!

Tertan okkar

Ljós sem við sendum upp í himininn

Ég

Við vinkonurnar

Ekki byrjaði árið vel hjá fylkinu mínu vegna þess að fylkisstjóri Río Negro (fylkið sem ég bý í) var myrtur á heimili sínu. Það er haldið að það hafi verið eiginkona hans og hún myrti hann með því að skjóta hann með 38 kalebra byssu í augað þegar hann var lagstur upp í rúm. Það er nýbúið að kjósa hann og það eru allir hérna í sjokki. 

Carlos Soria 1949-2012

Á nýársdag var svo borðaður hádegismatur heima hjá frænku sem heitir Victoria. Það var alveg rosalega gaman út af því að það voru svo margir sem borðuðu saman. Og svo á hún svo fallegana garð að ég tók alveg fullt af myndum. Skelltum okkur svo í sunlaugina hennar vegna þess að það var alveg 40°C hiti. 

Í kvöld fórum við að borða hjá annarri frænku minni, henni Söndru. Hún og amma mín bjuggu til "empanadas" sem voru alveg rosalega góðar. Skruppum aðeins til Roca með frænda mínum...sem keyrir btw geðveikt hratt, var að deyja úr hræðslu. Og heima hjá frænku minni er ugla...lítil en hræðileg.

mamma og amma

Empanadas "in making"

Ég og uglan hræðilega :/

Uglan að borða kjöt 

Það sem er öðruvísi við Argentínu en Ísland

...Það er enginn tannálfur heldur "Ratón Perez" eða tannROTTAN Perez

...Argentínumönnum er nokkuð sama um reglur

...Það boðar lukku fyrir kvenmenn að nota bleikar nærbuxur á jólunum

...Allir geta keypt áfengi og sígarettur, líka börn

...Gjaldmiðillinn í Argentínu heitir pesó og 1 pesó = u.þ.b. 27-28 krónur

...Í Argentínu búa rúmar 40 milljónir

...Lambakjöt er mjög dýrt hérna og það er bara borðað um hátíðirnar, og sumt fólk þarf að taka töflu til þess að geta melt það, soldið fyndið.
...Argar eru með fóbíu fyrir bílbeltum. Ef þau nota það yfir höfuð er það losað um leið og þau fara út af aðalveginum. Alveg stórfurðulegt.


En nú er fyrsta blogg ársins senn á enda...vonandi verða þau fleiri :)


-Hrefna Björk


Lag bloggsins: Tan solo tu (aðeins þú)

Ps. Þið getið smellt á myndirnar til þess að sjá þær stærri :)

KOMMENTIÐ ENDILEGA!