La Vida Dulce

Hvernig ætlaru að þekkja ævintýri...ef þú hefur aldrei upplifað eitt slíkt.
Hvernig ætlaru þekkja kvíða...ef þú sagðir aldrei við ættingja og vini "Sjáumst fljótt" með augun full af tárum. Hvernig ætlaru að þekkja vegalengd...ef þú hefur aldrei skoðað kort og sagt "Vá hvað ég er langt í burtu."
Hvernig ætlaru að þekkja tungumál...ef þú þurftir aldrei að læra eitt til þess að eignast nýja vini. Hvernig ætlaru að þekkja föðurlandsást...ef þú öskraðir aldrei "Ég elska landið mitt." Hvernig ætlaru að þekkja umburðarlyndi...ef þú hefur aldrei orðið vanur einhverju, sem þér líkaði ekki einu sinni við. Hvernig ætlarðu að vita hvað er að grípa tækifærið...ef þú sást aldrei hvernig tíminn hljóp úr höndunum á þér. Hvernig ætlaru að þekkja heiminn...ef þú fórst aldrei sem SKIPTINEMI!


Eftir tveggja mánaða dvöl er ég búin að fá að kynnast næstum því öllu þessu...ég held að það sjái enginn eftir því að fara sem skiptinemi. Þetta er algjört ævintýri...en ævintýri hafa auðvitað upp- og niðursveiflur.


Það sem er að frétta af Argentínunni er ekki mikið...en þó eitthvað:


Miðvikudagurinn 19. október
Við byrjuðum daginn á því að fara í skólann. Eftir skóla fórum við í sund eins og alltaf á miðvikudögum. Um kvöldið var svo handboltaleikur og mágur minn var að spila...og hans lið vann. Það er rosa mikið sport hérna að horfa á íþróttir...mér hefur nú aldrei fundist það gaman en læt mig hafa það einstöku sinnum. Eftir leikinn fór ég svo heim til Kristine og Sol og svo bættust við nokkrir vinir í viðbót og við horfðum á myndir. Ég gisti svo heima hjá Kris og Sol. 


Fimmtudagurinn 20. október
Það var starfsdagur í skólanum þannig að við nemendur þurftum ekki að mæta. Þennan dag átti Kristine líka 17. ára afmæli. Ég gaf henni Maté og íslenska lopavetlinga og hún var mjög ánægð með það. Gerðum ekki mikið þennan dag...fórum bara á torgið og í göngutúr. 


Föstudagurinn 21. október
Fórum í skólann...ég hefði svo ekki þurft að mæta. Próf í lögfræði fyrstu tímana...ég sat og gerði ekki neitt. Estenografía (gamalt spænskt letur sem ég þarf ekki að læra)...sat og gerði ekki neitt. í seinasta tíma var enska og þau hlustuðu svona tíu sinnum á sömu hlustunaræfinguna og skyldu mjög lítið...og fyrir mér var þetta eins og 5.bekkjar efni í grunnskóla. Eftir skóla vorum við búnar að ákveða að fara í ræktina en ég, Kristine og Sol vorum svo latar að við sendum Shey eina. Það þýðir bara að við förum þrisvar sinnum í þessari viku. Um kvöldið hittumst við heima hjá Kris og horfðum á Bruno. Viðbjóðsleg mynd. Mæli alls ekki með henni.


Laugardagurinn 22. október 
Vaknaði frekar snemma og gerði eigilega ekki neitt þennan dag. En um kvöldið hélt Kris upp á afmælið sitt og það var alveg ágætt. Norsk vinkona hennar sem býr í Neuquén kom. Hún heitir Lilja María, sem er geðveikt íslenskt nafn. Við vorum heima hjá henni langt fram á nótt. Fórum út um nóttina og þau fóru með okkur á einhverja staði og voru að segja okkur draugasögur. Við máttu reyndar ekki vera úti vegna þess á sunnudeginum voru kosningar og löggan sendir mann heim ef hún sér mann úti.


Sunnudagurinn 23. október
Vaknaði við það að mamma mín var alveg brjáluð af því að systir mín vildi ekki vakna til þess að fara í krikju. Hérna þarf maður s.s. að mæta í kirkju reglulega í fjögur ár til þess að mega fermast. Þær fóru svo að lokum í kirkjuna en komu svo heim aftur og alveg jafn mikil öskur. Veit ekki alveg af hverju. Við fórum svo í Asado til einnar frænkunnar og það var alveg smá tilbreyting frá því að fara alltaf til ömmunnar og afans sem búa í sama húsi og ég. Fórum svo að heimsækja konuna sem vinnur við að fylgjast með hvernig við mætum í skólann. Hún býr alveg í stóru húsi miðað við húsin hérna í Argentínu. Við lærðum að spila franskt spil sem franski skiptineminn sem þau höfðu tekið hafði kennt þeim. Það var alveg geðveikt skemmtilegt og kom á óvart. Svo voru komnar niðurstöður í kosningarnar...sami forsetinn aftur. Um kvöldið lærði ég að búa til Empanadas...bendi á fróðleiksbloggið ef að þið eruð að velta því fyrir ykkur hvað það er. Eftir mat hittumst við á torginu og chilluðum og fórum svo heim.


Mér finnst Argentínska sumarið loksins farið að minna á sig. Búin að fá svona fimmtán moskítóbit og smá tan. Svo eru bara fjórar vikur eftir af skólanum þangað til að sumarfríið byrjar 25. nóvember. 


Þar sem ég hef fengið margar spurningar um það hvernig á að kommenta hef ég ákveðið að setja hérna inn smá leiðbeiningar:


1.0 comments hérna fyrir neðan
2. Skrifið eitthvað rosalega fallegt
3. Veljið fyrir neðan hvíta gluggan sem þið skrifuðu í...þar stendur "Coment as" og þið veljið Name/URL 
4. Skrifið nafnið ykkar og skiljið eftir autt í URL
5. Ýtið á "Post a comment"


Núna hafið þið enga afsökun...


Skelli nokkrum myndum í lokin

Bróðir minn með Asado

Ég og amma

Lilja María og Kristine í afmælinu

Geðveik kaka

Krúttur

Ég fylgist svo með hvort að þið kommentið!

Ást og friður

-Hrefna Björk